Deutsche Dialekte. Hier kann jeder sprechen, wie einem sein Schnabel gewachsen ...

Ich *ah *net... *liber * sowas
Ich sitz un denk, wie schun so oft,
will a Gedichtel schreiwe,
un jedesmol hab ich gehofft:
do muss doch mol was bleiwe.
Doch immer widder, ?s selwe Lied:
mer fallt nix gscheides ei.
Wann d? Fandasie jetzt nit bal blieht
dann loss ich 's liewer sei.
Do macht mer sich noch ganz verrickt
un mant, mer misst es zwinge.
Ja esch dann des so arg verzwickt
do ebbes na zu bringe?
Des kann doch nit so schwierich sei,
des kann doch fascht en jeder.
Warum fallt mer dann grad nix ei,
bin ich dann so viel bleeder ?
Ich sahn, ?s esch widder nit mein Dag,
fer heit, do loss ich ?s bleiwe.
Doch ganz bestimmt, wann ich eich sag,
ich wer ?s Gedichtel schreiwe.