Deutsche Dialekte. Hier kann jeder sprechen, wie einem sein Schnabel gewachsen ...

[Laary]

Du g’heerscht zu mer

Ich hun der nie aan *Liewesbrief geschriwwe,
’s is leider wohr.
Doch dodefier bin ich der trei gebliwwe
seit verzich Johr.
Net immer bin ich gut zu der gewese.
Oft woorscht gekrankt.
In deine Aache hab ich dann gelese
wos du gedenkt.
Zum Siessholzraschple wor net viel Gelegeheit.
Mer hun g’schafft.
Un manchmol hort gekampft in seller schlechte Zeit
mit Mut un Kraft.
Ich hun mit der die Alldogslast getrooche,
’s wor gor net leicht.
Un an so manche traurich-triewe Dooche
wor ich entteischt.
Ich waass, ich wor als voller Widersprich.
Du host oft g’schellt
un bist dann aafach fortgelowwe *ohne mich
un ich hub g’flennt.
Doch wann’d net bei mer woorscht, hun ich dich orch vermisst,
un’s Herz wor schwer.
Dann hun ich g’schpiert un g’fiehlt un ganz genau gewisst:
Du g’heerscht zu mer!
Anneliese Vetter .