[Laary]

Wo die Liewe hinfallt…

Es gebbt Leit, die hun *Hoor uff de Zahn odder sie hun *kaa Zahn odder sie hun kaa Hoor.
Das is alles denawe. Jetzert hun ich aan, der hot vun alldemm nix, unn der is mei Schennsder . Wo die Liewe hinfallt…
Ach, du liewes Bissje, *
mei Liebsder hot e gewaldicher Abbedit. Ma sieht`s em aan. Na unn? Ich hun`s net sou met de Rabbelgaa?iche. *

S' macht *em e *Plaseer, sich so richdich volllaawe se losse, obwohl ich debei bin.
Ich du mich in so Fall immer besonnersch fiersorchlich um en kimmere; er is doch mei aan unn mei Alles. Wo die Liewe hinfallt…
Wos Klaader aangeht, isser zimmlich logger druff. Designer-Klamodde misse`s net uff Deiwel komm raus sei. Wanner sich met mer veluschdeere will, der alt Schluri, hat er`s allerdings gaanre bequem. *
*Ich waa? selwer, dass ich demm Kerl met Leib unn Seel vefall bin. * Derweil geht der er werklich net immer ricksichtsvoll met mer um . Aangeplarrt hot er mich, * mei deiersde Halskett hot er mer verrisse, * mei *Hoor hot er wie wild gegrabscht, met aller Gewalt dran gezobbelt unn mer neilich sogar e paar ausgeroppt. * *Fa nix unn widar nix werr ich geschloha unn getrat. Sei Temprament geht halt alsemol met em dorch. *
Maa Libsder *iss *de greesde Schmuser. Wanner mich aanguckt met seine gro?e, diefbloe Aache, met mer lacht, mer ebbes Liewes zupischbert, mer de Bagge dattschelt unn mich abknutscht, werd`s mer ganz annerschder, vor lauder Glick *glaaw ich jedesmol, ich daat uff rosanich gefarbde Welgcher schaugele – irchendwo arich weit owwe.
*Ich gebb`s zu: Ich hun richdich Angst, ich kannt mei Schennsder, mei Liebsder an aam scheene gude Doach veleere an aa anneri – so wie der aussieht unn wie die Weibsleit uff denn *abfoahre. Unn groad so werd`s komme .. * Ich darf mei Alder net vegesse. Ich bin schlie?lich nimmi die Jingsde, unn der aanmolich Prachtkerl, mei Schennsder, mei Liebsder, mei ersder unn bis zum heidiche Doach aanzicher Enkel, is groad aamol siwwe Monat alt.(fr)
Wo die Liewe hinfallt…