Zieh aan Schal um de Hals,
nemm aan Scherrm mett, s’iss Reen gemelld,
komm nett so schpaad haam ,
ich mannes noor guud.
-.. . Naa, so werr ich nie!
Ess dei Deller leer,
de Schbinnad iss frisch aus’em Goade,
wos ich koche, kann ma esse,
ma macht kenn Orrwesse.
-. . . Naa, so werr ich nie!
Lern, du lernsch noor fa dich,
wenn ich mool die Aahe zumache,
machst du se uff,
du weast *noch an mich dengge.
-. . . Naa, so werr ich nie!
S’iss lang her.
Mudder,
falls de vunn owwe runner gugge kannst:
Lach nett,
de heest dich schwetze:
Zieh aan Schal um de Hals,
nemm aan Scherrm mett, s’iss Reen gemelld,
ich maannes doch noor guud.
. . . Mei Tochder will nie so werre wie ich,
saat se.
__________________
sanimaus delami v svobodnoe vremia ot svobodnogo vremeni)))
|